സ്വാതന്ത്ര്യദിനത്തിൽ നല്ലപാഠം കുട്ടികൾക്ക് ജേഴ്‌സി നൽകി റെഡ് ആൻഡ് ബ്ലൂ സ്പോർട്ടിങ് ക്ലബ്‌ ചെമ്മനാട്

ചെമ്മനാട് : ഗവ യു പി എസ് ചെമ്മനാട് വെസ്റ്റിൽ സ്വാതന്ത്ര്യദിനത്തിൽ നല്ലപാഠത്തിലെ മുഴുവൻ കുട്ടികൾക്കും ജേഴ്‌സി വിതരണം ചെയ്തു റെഡ് ആൻഡ് ബ്ലൂ സ്പോർട്ടിങ് ക്ലബ്‌ ചെമ്മനാട് .

റെഡ് ആൻഡ് ബ്ലൂ സ്പോർട്ടിങ് ക്ലബ്‌ ജനറൽ സെക്രട്ടറി ശ്രീ.കെ ടി നിയാസ് നല്ലപാഠം വിദ്യാർത്ഥി കോർഡിനേറ്റർമാർക്കു ജേഴ്‌സി വിതരണം ചെയ്തു പരിപാടി ഉദ്ഘാടനം ചെയ്തു .

നിറയെ വായന നിറയെ പുഞ്ചിരി നിറയെ പച്ചപ്പ്‌ ഇതിലൂടെ കുട്ടികളെ സാമൂഹ്യപ്രതിബന്ധതയുള്ളവരക്കി തീർക്കുക എന്നതാണ് നല്ലപാഠത്തിന്റെ ലക്ഷ്യം

സ്കൂൾ പി ടി എ പ്രസിഡന്റ്‌ ശ്രീ മഹ്‌റൂഫ് എം കെ അധ്യക്ഷത വഹിച്ചു. സ്കൂൾ ഹെഡ്മാസ്റ്റർ ശ്രീ പി ടി ബെന്നി സ്വാഗതവും ചെമ്മനാട് വാർഡ് മെമ്പർ ശ്രീ അമീർ ബി പാലോത്ത്, ക്ലബ്‌ ട്രഷറർ സൽമാനുൽ ഫാരിസ് , നുഹ്മാൻ എന്നിവർ ആശംസയും അറിയിച്ചു.

സ്കൂൾ നല്ലപാഠം അധ്യാപക കോർഡിനേറ്റർ ശ്രീ മുജീബ് റഹ്മാൻ. എം പരിപാടിക്ക് നന്ദി അറിയിച്ചു.